صحيفة نبض الشعب الاسبوعيه رئيس التحرير جعفر الخابوري

_الولد دا اخد من الخزنة 8 جنيه اللى يعمل كده يا ابوحطب يبقى ايه
"يبقى حـ.ـرامى طبعا "
_انا مش حـ.ـرامى يا أبو حطب
*أومال ايه اللى انت عملته ديه يا خليل أفندى

=انا معملتش حاجة غلط يابا الشيخ سالم ، كل إللى انا عملته انى قبضت نفسى ماهيتى
*يعنى اخدت ماهيتك وبس

=إيوه طبعا ماهيتى وبس ، ماهية الـ 8 شهور اللى انا ما قبضتهمش
_رجع الفلوس للخزنة يا ولد الأول وبعدين انا أديك
* يبقى خلاص إنحلت ، رجع الفلوس للخواجة وهو يبقى يديهملك

=يا سلام وعلى ايه اللفة دى كلها ، مانا خلاص خدت حقى
" يا خليل أبدا ما تنشفش دماغك ، الخواجة مصمم

=انا كمان مصمم
*تبقى غلطان يا خليل أفندى

=انا اللى غلطان برضوا يابا الشيخ سالم انا الغلطان ولا الخواجة
_خلاص يا شيخ سالم انا هطلب البوليس علشان يقبض على الولد المختـ.ـلس دا عشان يرميه فى السـ.ـجن
* لأ فى عرضك بلاش يا جناب الخواجة بلاش

_أومال تفتكر انا هعمل ايه مع الولد دا كلـ.ـب ابن كلـ.ـب
=انت اللى كـ.ـلب وابن كـ.ـلب وحـ.ـرامى كمان ، طمعان فى أُجرتى يا خواجة دى ملاليم مش مكفيك مشغلنى 100 شغلانه وبتدينى ملاليم جاى كمان تهـ.ـددنى بالبوليس ، هات البوليس هات النيابة ، انا مش خـ.ـايف منك ولا خـ.ـايف من البوليس لان انا مش حـ.ـرامى زيك

*يا نهار إحوس إعقل يا خليل
=اوعى يابا الشيخ سالم سيبنى ، من الساعة دى لازم يفهم ان انا مش هقبل اشتغل مع واحد حـ.ـرامى زيه بيسـ.ـرق عرق الفلاحين الغلابة ومش مكفيك تسـ.ـرقهم وبس ، خليت كل اللى حواليك حـ.ـرامية
* إنكتم يا خليل إنكتم

=ما نكتمش يابا سالم ، خلاص الكيل طفح اذا كنت نسيت يا خواجة انت تبقى مين انا افكرك ، اذا كنت نسيت ابوك يبقى مين انا أفكرك ، ابوك كان حتة جرسون فى خمـ.ـارة فضل يضحك على أهل البلد الطيبين ويدحلب عليهم ويرهن أراضيهم لحد ما نهـ.ـبها كلها ، ولا يكونش فاكر ان الارض اللى حواليك دى كلها أرض ابوك وأرض جدودك ، لا فوق لروحك يا خواجة دى ارضنا وأرض اهالينا ، اذا كنتوا أخدتوها احنا هنرجع اذا مكانش النهاردة بكرا جاى

_إخـ.ـرس
=إخـ.ـرس انت ، انا عارف انك مش ناسى حكاية الفلاحين اللى كنت عايزنى ازورهالك وعارف كمان انك عايز كل اللى بيشتغلوا معاك يكونوا حـ.ـرامية زيك ، لكن الشريف ملوش مكان فى الوسية

"عيب يا خليل أفندى الكلام دا
* انت اتهبلت يا خليل أفندى تكلم الخواجة بالشكل دا

=ملكمش دعوة ، إيوه اكلمه بالشكل دا ، صبرى نفد يا عم الشيخ سالم ، انا لا بنهب ولا بسـ.ـرق عشان استحمل كل الإهـ.ـانة والمسخـ.ـرة دى ، يسـ.ـبني ويسـ.ـب أبويا ، أبويا يا عم الشيخ سالم اللى انت عارف كان ايه وبقى ايه بسبب خواجة زيه ، ليه يا عم سالم نسكت على واحد غريب يسـ.ـبنا ويبهدلنا ويذلنا وينهب أراضينا

" ارادة ربنا يا خليل أفندى
=ربنا مايريدش حاجة وِحشة ، الخواجات اللى زيه والبشوات واللى زيكم إنتوا كمان هم اللى مخلينا فى الغُلب ديه

_إنت يا ولد تفتكر نفسك ايه بنى آدم انت كلـ.ـب جنـ.ـس لئـ.ـيم
=انت اللى جـ.ـنس لئـ.ـيم وجنـ.ـس زِفر كمان

_اللى زيك يا ولد لازم ينضـ.ـرب بالرصاص
* إجرى يا خليل أفندى، اهرب .....

( مشهد إنفـ.ـجار خليل فى وش الخواجة دا هو أجمل مشهد فى مسلسل الوسية كله ومن أقوى ادائات الفنان أحمد عبدالعزير فى تاريخه كله )

من مسلسل #الوسية